Ofrezo servizos para instrumentos de corda fregada: construción, restauración, mantemento e asesoramento personalizado.
Actualmente estou centrado na construción de violonchelos. Traballo baseándome en dous modelos históricos e nun modelo propio.
Emprego técnicas de traballo que van da man coa análise acústica do instrumento para obter nova información que me permita seguir ofrecendo instrumentos de calidade.
Realizo unha diagnose completa do estado no que se atopa o teu instrumento para avaliar as súas necesidades.
Reparo e restauro empregando técnicas que respectan ao máximo o estado e as características orixinais do instrumento.
Unha montaxe axeitada non só mellora o timbre do instrumento, senón que tamén contribúe moi positivamente á súa saúde. O seu coidado e revisión periódica determinarán non só un aforro en custos de reparación, senón tamén a integridade estrutural do instrumento.
O encordado e a reparación de arcos son intervencións esenciais para manter a calidade e precisión na execución dos instrumentos de corda fregada. Co uso e o paso do tempo, a crina perde tensión, elasticidade e capacidade de agarre.
Realizo cambios de crina con pelo natural seleccionado, adaptado ás necesidades técnicas de cada músico. Tamén levo a cabo reparacións na vara, a noz e o mecanismo de parafuso, garantindo equilibrio e rendemento óptimo.